कांग्रेस व एमालेपाखें बैठक बहिष्कार

येँ (झीगु स्वनिगः)

मंगलवाः सःतूगु प्रमुख स्वंगू दल व संयुक्त लोकतान्त्रिक मधेसी मोर्चा दुथ्याःगु बैठक नेपाली कांगे्रस व नेकपा (एमालें) बहिष्कार याःगु दु । माओवादी युद्धया भ्mवलय् माओवादी जनसत्तापाखें याःगु निर्णययात मन्त्रिपरिषद्या बैठकं मान्यता बिइगु निर्णय याःगु धासें नेपाली कांग्रेस व नेकपा (एमालें) बैठक बहिष्कार याःगु खः ।
मंगलवाःया छगू न्हिपौसं माओवादी जनसेनां याःगु जग्गा न्यायेमीगु, अंशबन्डा व बकस पत्र सम्बन्धी निर्णययात सरकारं मान्यता ब्यूगु बुखँ पिहांवःगु खः । नेपाली कांग्रेसया उपसभापति रामचन्द्र पौडेलं माओवादी जनसत्तापाखें याःगु निर्णययात मान्यता बीगु निर्णय वःगुलिइ उगु शान्ति सम्झौता व अन्तरिम संविधान अःखः जूगु धासें उकियात मभिंकूत्तले बैठक च्वनेमफइगु जूगुलिं थःपिंसं बहिष्कार याःगु धयादिल । नेकपा (एमाले) या वरिष्ठ नेता माधवकुमार नेपालं द्वैध सत्ताया रुपय् दुगु माओवादी जनसत्ताया निर्णययात स्वीकार यायेमफइगु जूगुलिं थःपिंसं बैठक बहिष्कार यानागु जानकारी बियादिल ।

एकीकृत नेकपा (माओवादी) या नायः पुष्पकमल दाहालं शान्ति प्रक्रिया व संविधान च्वयेगु प्रक्रियाय् खनेदुगु व्यवधान समाधान यायेगु उद्देश्यं बैठक सःतूगुलिइ नेपाली कांगे्रस व नेकपा (एमालें) मन्त्रिपरिषद्या निर्णय बारे च्यूताः प्वंकाः बैठक बहिष्कार याःगु न्ह्यःथंगु खः । वय्कलं सरकारी निर्णयया बचाउ यानाः सरकारं व्यवहारिक समस्या खनेदुगुलिइ उकिया समाधान जक याःगु दाबी यानादिल । नायः दाहालं सरकारं मन्त्रिपरिषद्या निर्णयया माइन्युट उपलव्ध यायेधुंकाः समस्या समाधान जुइ धासें विवादयात च्याया ‘कपदथुइया तुफान’या संज्ञा बियादिल । तमलोपाया नायः महन्थ ठाकुरं मन्त्रिपरिषद्या निर्णय स्वयेधुंकाः जक थःपिंसं धारणा हयेगु जानकारी ब्यूगु खः ।