तामाङत आक्रोशित

येँ(सन्ध्या टाइम्स)/सिमाय् यगानाः सिनाच्वंम्ह प्रहरी जवान दलबहादुर तामाङयात आत्महत्या धासें केश फासांफुसुं याना छ्वयेत्यंगु खँय् विरोध यासें अनया तामाङ समुदायं प्रदर्शन याःगु दु। उमित नियन्त्रणय् कायेगु लागिं म्हिगः धादिङवेसीइ हवाई फायर समेत जूगु दुसा मेखे तामाङतय्सं बजाः बन्द याना बिउगु दु। सिन्धुपाल्चोकय् खटे जुयाच्वंम्ह प्रज तामाङ वंगु पुस ३० गते धादिङवेसीया नीलकण्ठ क्याम्पस लागा दुने सिमाय् यगानाच्वंगु लूगु खः।