वैद्यं फ्वन भट्टराईया राजीनामा

येँ(सन्ध्या टाइम्स)/सत्तारुढ पार्टी एनेकपा (माओवादी) दुने संस्थापन पक्ष व असन्तुष्ट उपाध्यक्ष मोहन वैद्य किरण पक्ष दथुइ सैद्धान्तिक समस्या ज्यंका वनेगु सहमति जुल धाःसां सरकारया नेतृत्व यायेगु सवालय् धाःसा हानं विवाद पिहां वःगु दु।
मोहन वैद्य पक्षं अध्यक्ष प्रचण्डं आः पार्टी दुने मेगु हे राजनीतिक प्रस्ताव पेश याइ धाःगु सहमतियात स्वीकार याःसां डा. बाबुराम भट्टराईया वर्तमान सरकारयात हे राष्ट्रिय सरकारया रुपय् न्ह्यःने यंकेगु धकाः तःगु प्रस्तावयात धाःसा अस्वीकार याःगु दु। वैद्य पक्षं भट्टराईयात राजीनामा याकाः थःगु पक्षयाम्ह मनूयात प्रधानमन्त्री दयेकेमाः धकाः म्हिगः माग याःगु खः