गुप्तायात येँय् कुने हल गुप्तायात येँय् कुने हल

येँ(सन्ध्या टाइम्स)/पूर्व मन्त्र लिसें नेपाल सद्भावना पार्टी (आनन्दीदेवी) या अध्यक्ष व सभासद् श्यामसुन्दर गुप्तायात मनू अपहरण थेंज्याःगु संगीन द्वपनय् प्रहरीं ज्वंगु दु। मारवाडी व्यापारी पवन संघाईयात येँय् अपहरण याकूगु द्वपनय् गुप्तायात ज्वंगु खः। म्हिगः भैरहवाय् थःगु हे छेँनं ज्वना हःम्ह गुप्तायात आः येँय् हिरासतय् तयातःगु दु। व्यापारी संघाईयात अपहरण यानाः फिरौटी कथं वःगु ८५ लाख तका दां गुप्ता थम्हं हे बुझे यानाः काःगु व पासापिंत ४-४ लाख तका बिउगु खँ सीदुगु दु।