दक्षिणी अफगानिस्तानय् नीम्ह तालिवानपाखें आत्मसमर्पण
अफगानिस्तान (सिन्ह्वा)
राजधानी काबुलनिसें सच्छि व नीन्यागू किलोमिटर दक्षिणय् लाःगु अफगानिस्तानया घाज्नी प्रान्तय् प्रमुख कमाण्डरलिसे नीम्ह तालिवानी लडाकुं आत्मसमर्पण याःगु सुरक्षा श्रोतं जानकारी ब्यूगु दु । तालिवानी कमाण्डर मुल्लाह कादिमुल फुर्कानलिसे नीम्ह लडाकुं थःपिनिगु ल्वाभःत सुरक्षा अधिकारी दथुइ लःल्हाःगु प्रान्तीय गभर्नर मुसा खानं जानकारी ब्यूगु खः ।
तालिवानी लडाकुत आःया दिंसं शान्ति व सुरक्षाया नितिं आःया स्थितिइ नियन्त्रण यायेगु जानकारी ब्यूगु नं बुखँपाखें जानकारी ब्यूगु खः । मुल्लाह फुर्कान व वया हे मनूत दायाक जिल्ला व लिक्कया क्षेत्र अफगान व नेटोलिसे आबद्ध सैनिकतय्त नोक्सान यानाः वयाच्वंगु नं जानकारी ब्यूगु खः । मुल्लाह फुर्कानं ल्वापु अफगानिस्तानया समस्याया समाधान मजूगुलिं थःपिंसं शान्ति प्रक्रियाय् संलग्न जुइमास्ते वःगु जानकारी ब्यूगु खः ।
अथेहे मेमेपिं तालिवानी सशस्त्र लडाकुतय्त नं शान्ति प्रक्रियाय् संलग्न जुइत इनाप याःगु नं जानकारी ब्यूगु खः । तालिवानी आतंककारीं थुगु आत्मसमर्पणया छु नं टिप्पणी याःगु मदुनि ।
सन् २०११ सं स्वद्वः स्वयाः आपालं मनुखं सरकार दथुइ आत्मसमर्पण याःगु नं बुखँपाखें जानकारी ब्यूगु खः ।
More Stories Like this
भारतया उडिसाय् चलखं झिंखुम्ह सित अमेरिका व बेलायतया गुप्तचर एजेन्सीया गद्दाफीलिसे साँठगाँठ रुसं सिरीयाया चिकं मन्यायेगु विषययात कयाः कुंखिन जापानय् न्ह्यगू दशमलव छगू रेक्टरया भुखाय् सुडान काल न्हूगु देय्या मान्यता
