सरकारं बिउबिजनय् अनुदान बीगु – राज्यमन्त्री यादव

येँ (झीगु स्वनिगः)

कृषि लिसे सहकारी राज्यमन्त्री ओमप्रकाश यादवं सरकारं कृषि क्षेत्रया प्रबद्र्वनया नितिं कृषकतय्त बिउबिजनय् अनुदान बीगु व्यवस्था यायेत्यंगु धयादिल । लोकतान्त्रिक आई.पी. व कृषक समूहपाखें ग्वसाः ग्वःगु कृषि सांस्कृतिक ज्याभ्mवलय् न्ववानादिसें वय्कलं कृषि पेशायात आधुनिक व व्यावसायिक रुपय् विकास यायेत सरकारं बिउबिजनय् अनुदान बिइत्यंगु खः । राज्यमन्त्री यादवं रोजगारीया नितिं तःधंगु ल्याखय् विदेशय् वंपिं युवातय्त कृषि व्यवसायलय् आकर्षण यायेपूmसा खाद्य संरक्षण यायेफइगु व उकिया नितिं कृषि क्षेत्रयात प्रबद्र्वन यायेमाःगु न्ह्यःथनादिल ।

वय्कलं मन्त्रालयं कृषकलिसे सहकार्य यानाः उगु क्षेत्रय् दुगु थीथी समस्यायात समाधान यायेत प्रतिबद्घ दुगुलिइ बह बियादिसें कृषि सांस्कृतिक ज्याभ्mवःया माध्यमपाखें कृषकतय्त बाली नालीइ लाक्वःपाक्वः किटनाशक विषादीपाखें मानव जीवनया बारे लाइगु असरया बारेय् सचेत दयेकेगु वातावरणयात स्वच्छ तयेत ग्वाहालि जुइगु विश्वास प्वंकादिल । उगु हे लसताय् कृषि सांस्कृतिक ज्याभ्mवलय् ब्वति दुगु लोकतान्त्रिक आई.पी.एमं कृषक समूह, चाँदनी आई.पी.एमं कृषक समूह, देवीजागरण मिश्रित कृषक समूह, आधुनिक तरकारी खेती अतिथि सत्कार महिला कृषक समूह, बाल्मिकेश्वर कृषक समूह, स्वच्छ तरकारी लिसे फलफुल सहकारी संस्था, विष्णुदेवी प्याज भण्डारण आई.पी. लिसे कृषक समूह, प्रगती महिला कृषक समूह, लालीगँुरास कृषक समूह व ज्याभ्mवः ग्वाहालि माउण्ट भ्यू वोर्डिङ्ग स्कूलयात सिरपाः ब्यूगु खः ।

समूहया नकिं मैयाँ महर्जनं कृषि क्षेत्रय् माःगु प्राविधिक ज्ञानया अभावय् प्राङ्गारिक खेती हाथ्यापूर्ण दुगुलिइ बह बियादिसें उत्पादित वस्तुया बजाः व्यवस्थापनय् सरकारं ग्वाहालि यायेमाःगु धयादिल । उगु हे लसताय् कफी, च्याउ, उन्नत बालीया बिउबिजन, खेतीया नितिं कुतः याइगु थीथी प्रविधि लगायतया प्रदर्शन नापं याःगु खः ।

More Stories Like this