थौं सुकुम्बासीपाखें स्वनिगः बन्दया आह्वान

मसाल जुलुसय् प्रहरीया ब्यापक हस्तक्षेप, सलंसः गिरफ्तार, दर्जनौं घाःपाः

येँ (झीगु स्वनिगः)

स्वनिगलय् वसोवास यानाच्वंपिं सलंसः सुकुम्वासीत थौं मंगलवाः सतकय् क्वहां वयाः स्वनिगः बन्द आह्वान याःगुु दु । थीथी राजनीतिक दलया सुकुम्बासीतय्गु संगठनत जानाः दयेकातःगु संयुक्त राष्ट्रिय सुकुम्बासी मोर्चा नेपालया आह्वानय् अथे सुकुम्बासीत सतकय् क्वहां वयाः स्वनिगः बन्द यायेत्यंगु खः । उगु मोर्चाया संयोजक पद्मलाल देवकोटां ‘झीगु स्वनिगः न्हिपौ’ लिसे ख“ल्हासें न्हापा नं बन्द आह्वान यानागु अबले सरकारं वार्ताय् सःताः आन्दोलनया अलमल याःगुलिं थुगुसी धाःसा वार्ता जूसां बार्ता नाप नापं संघर्षया ज्याझ्वः नं न्ह्यानाच्वनी धकाः धयादीगु दु ।

वय्कलं सुकुम्बासीतय्त वैकल्पीक व्यवस्था मजुइकं थने मदुगु, ज्याछिंगु थासय् च्वनाच्वंपिं सुकुम्बासीतय्त जग्गाधनी पूर्जा बिइमाःगु व क्रान्तिकारी भूमिसुधार लागू यायेमाःगु लगायतया माग यानाः थःपिं सतकय् क्वहां वयाच्वनागु खः धकाः नं जानकारी बियादीगु दु । थौं मंगलवाःया स्वनिगः बन्द ज्याझ्वःयात समर्थन यानाः स्वानिगःपिनेया थीथी जिल्लाय् नं प्रदर्शन जुइ धकाः संयोजक देवकोटां जानकारी बियादीगु दु । बन्द ताःलाकेगु नितिं थौं मंगलवाः सुथंनिसें स्वनिगःया नाका नाकाय् च्वनाः प्रदर्शन यायेगु ज्या जुइ धकाः नं उगु मोर्चां धाःगु दु । ये“ जिल्लाया वागमती खुसि सिथय् नापं थाय् थासय् यानाः ६६ गू लागाय् सुकुम्बासी वस्तीत दु । अथे हे यल व ख्वपय् नं सुकुम्बासी वस्तीत दु ।थ्व हे झ्वलय् म्हिगः सोमवाः बहनी ये“या लु“हिति लागां मसाल जुलुस पिकाःगु इलय् प्रहरी ब्यापक हस्तक्षेप याःगु दु । हस्तक्षेप यानाः सलंसःम्ह ज्वनाः यंकूगु दुसा दर्जनौं घाःपाः जूगु दु । उगु हस्तक्षेपय् लानाः किरण साही, राजन गौतम, राजन तामाङ, बंशिघाट, लिलाबहादुर लिम्बु लगायत घाःपाः जूगु दु ।

उगु मसाल जुलुस ये“या थाय् थासय् चाःहिलाः क्वचायेकूगु खः । थ्व हे दथुइ एकीकृत नेकपा (माओवादी)या जनवर्गीय संगठन अखिल नेपाल किसान महासंघ (क्रान्तिकारी) नेवाः राज्य समितिया संयोजक धनबहादुर महर्जनं छगू विज्ञप्ति पिथनाः सुकुम्बासीतय्गु आन्दोलनयात ऐक्यबद्धता प्वंकाः समर्थन यानादीगु दु । महर्जनं पिथनादीगु उगु विज्ञप्तिइ क्रान्तिकारी भुमिसुधार लागू यानाः सुकुम्बासीया समस्या हलयायेमाःगु थासय् सरकारं गरिव किसान व सुकुम्बासीया समस्या समाधान मयाःगु ख“ न्ह्यथनाः इलय् हे समस्या समाधान यायेत माग यानातःगु दु ।