गोल्डन ग्लोब : मार्टिन, क्लूनी व स्ट्रीप सर्वश्रेष्ठ
आइतवाः जूगु ६९ क्वःगु गोल्डन ग्लोब पुरस्कार समारोहं मार्टिन स्कारसीज यात फिल्म ‘ह्यूगो’ या लागि सर्वश्रेष्ठ निर्देशक, जर्ज क्लूनीयात सर्वश्रेष्ठ अभिनेता व मर्ली स्ट्रीपयात सर्वश्रेष्ठ अभिनेत्रीया गोल्डन ग्लोब सिरपा लःल्हाःगु दु ।
फिल्म ‘द डिसेनडेंट्स’यात सर्वश्रेष्ठ मोशन पिक्चर (ड्रामा)या गोल्डन ग्लोब ब्यूगु दसा ‘द एडवेंचर्स अफ टिनटिन- द सीक्रेट अफ द यूनिकर्न’ यात सर्वश्रेष्ठ एनिमेटेड फिल्मया गोल्डन ग्लोब पुरस्कार ब्यूगु दु ।
अभिनेता क्रिस्टोफर प्लमरया ‘बिगिनर्स’ फिल्मय् याःगु अभिनययात सर्वश्रेष्ठ सहायक अभिनेताया गोल्डन ग्लोब पुरस्कार ब्यूगु दु । अथे हे अक्टेविया स्पेंसरयात ‘द हेल्प’या लागि सर्वश्रेष्ठ सहायक अभिनेत्रीया सिरपा ब्यूगु दु ।
फिल्मकार वुडी एलेनयात ‘मिडनाइट इन पेरिस’ फिल्मया लागि सर्वश्रेष्ठ पटकथा लेखकया गोल्डन ग्लोब पुरस्कार ब्यूगु दु । संगीतकार लुडोविक बउर्सयात ‘द आर्टिस्ट’ फिल्मया लागि सर्वश्रेष्ठ मूल स्वरलिपि, गायिका-गीतकार मैडोनायात वया निर्देशनय् दयेकूगु फिल्म ‘डब्ल्यू.ई.’ या म्ये ‘मास्टरपीस’या लागि सर्वश्रेष्ठ मूल गीत (मोशन पिक्चर) या गोल्डन ग्लोब सिरपा ब्यूगु दु ।
उकथं हे ‘द आर्टिस्ट’यात सर्वश्रेष्ठ मोशन पिक्चर (म्यूजिकल या कमेडी) व विदेशी भाषाया सर्वश्रेष्ठ फिल्मया सिरपा ईरानी फिल्म ‘ए सेपरेशन’ यात ब्यूगु दु ।
प्रख्यात अभिनेता मर्गन फ्रीमैनयात प्रतिष्ठित सेसिल बी डीमिली गोल्डन ग्लोब सिरपां सम्मानित याःगु दु ।
More Stories Like this
बाघ भैरवया भजन म्येँया म्यूजिक भिडियो सार्वजनिक दाफा भजन म्येँ नं आः म्यूजिक भिडियोय् श्रीच्छा प्रधानं त्याकल 'मिस नेपाल वर्ल्ड २०२३' या उपाधि नेपालभाषाया न्हूगु म्युूजिक भिडियो “याकः मिसाया छेँ खः झीगु किपू देयया प्यंगः थां” सार्वजनिक मिस नेवाः जिगु लुमन्ति व अनुभव
