संयन्त्र भंग जूसां दलतय्त हे सक्रिय दयेकीगु : मन्त्री रायमाझी
गुल्मी (झीगु स्वनिगः)
स्थानीय विकासमन्त्री टोपबहादुर रायमाझीं राजनीतिक संयन्त्र भंग जूसां नं छु नं छुं माध्यमं दलतय्त हे सक्रिय दयेकेगु आश्वासन बियादीगु दु । गुल्मी जिल्लाया राजनीतिक दल, सरकारी कर्मचारी व संघ संस्थाया पदाधिकारीतलिसेया नापलाये ज्याय् मन्त्री रायमाझीं स्थानीय निकाय सञ्चालनय् न्हूगु ढंगं हाकनं नं दलतय्त हे सक्रिय दयेकेगु कथं सहलह जुयाच्वंगु धयादिल । मन्त्री रायमाझीं छु नं उपभोक्ता समितिइ राजनीतिक दलया मनू च्वनेगु धइगुया तात्पर्य प्रमुखत जक मच्वनेगु खः धकाः स्पष्ट यानादिल ।
थौंकन्हय् नगरपालिका घोषणाया नितिं वःगु सिफारिसत हचुवाया भरय् वःगुलिं विशेषज्ञतलिसेया सहलहलिपा जक ल्यं दुगु नगरपालिका घोषणा यायेगु वय्कलं धयादिल ।
