निर्मल लामाया बुदिं हन

येँ (झीगु स्वनिगः)

वामपन्थी नेता निर्मल लामाया ८३ क्वःगु बुदिं म्हिगः छगू विशेष ज्याभ्mवः यानाः हंगु दु । ज्याभ्mवलय् एकीकृत नेकपा माओवादीया वरिष्ठ न्वकु मोहन वैद्य किरणं – देय् थौं नं अर्धसामन्ती व अर्धऔपनिवेशिक अवस्थाय् दुगुलिं विगतया समीक्षा यायां कम्युनिष्ट पार्टीं न्हूगु रणनीति दयेकाः न्ह्याःवनेमाःगु धयादीगु दु । विगतया कम्युनिष्ट आन्दोलनया इतिहासयात विश्लेषण मयासे क्रान्ति न्ह्यःने मवनीगु वय्कःया धापू खः ।
क्रान्तिया नितिं त्याग, तपस्या व बलिदान माःगु धयादिसें किरणं – सर्वहारा वर्गया अग्रज निर्मल लामाया योगदानयात कयाः छलफल व बहसय् हयेमाःगु खँय् बह बियादीगु दु ।

अथेहे नेकपा एकीकृतया छ्याञ्जे सीताराम तामाङ्गं कम्युनिष्ट आन्दोलनय् निर्मल लामां यानादीगु योगदानयात कयाः चर्चा यासें विद्यमान राज्यसत्ताया स्वरुप परिवर्तन मयासे सर्वहारा जनतां मुक्ति कायेमपैmगु धयादीगु खः । नेकपा माओवादीया संयोजक मातृका यादवं धयादिल – कम्युनिष्ट आन्दोलनयात न्ह्यःने यंकेगु भ्mवलय् पाःगु दृष्टिकोण न्ह्यःने वइगु खँ कुलादिसें – वय्कः नं कार्यदिशा ज्वनेफुम्ह लामा थेंज्याःम्ह नेताया आवश्यकता दु धयादीगु खः । उगु ज्याभ्mवलय् नेकपा मसालया प्रवक्ता हरि आचार्य, एकीकृतया चित्रबहादुर आले लगायत नेतापिंसं नं न्ववानादीगु खः ।