सतक तब्यां पीडिततय् मूल समिति

येँ(सन्ध्या टाइम्स)/सतक तब्या यायेगु नामय् नगर विकासं थीथी थासय् छेँ थुनाच्वंगु विरुद्ध आन्दोलान यानाच्वंपिं सकलें पीडितत आः छथाय् च्वनाः संघर्ष याइगु जूगु दु।
म्हिगः थनया लाजिम्पाटय् च्वंगु होटल ग्यान्जोय् फुक्क हे लागाय् च्वंपिं पीडित स्थानीय जनता मुनाः छगू मूल संघर्ष समिति गठन याःगु दु। छेँ थुनेगु धकाः सरकारं ज्या न्ह्याकाच्वंगु फुक्कं लागाया मनूतय्त थुकी उपसंयोजक कथं दुथ्याकाः तःधं याना यंकेगु व कन्हय् छेँ थुं वल धाःसा फुक्कं हे जानाः प्रतिकार यायेगु कथंया तयारी यानाच्वंगु खँ सीदुगु दु