राजनीतिक सचेतना थनेगु खःलाकि

नेवाः स्वायत्त राज्य मंकाः संघर्ष समितिया ग्वसालय् हालै नेवाः एकता दिवस हन । एकता दिवसय् तिनिख्यःया चकं दबुली यानाः न्हूगुकथं शक्ति प्रदर्शन यायेगु धाःसां व्यवहारय् उज्वःगु छुं हे खनेमन्त । न तिनिख्यः जायेके फत, नत ज्याभ्mवः हे उत्कृष्ट जुल । एकता दिवसं नेवाःतय्त गुगु विश्वास थनेमाःगु खः – थ्व ज्या जुइपूmगु मदु । थुकियात छगू पाठकथं थुइकाः न्हूगु शक्ति सञ्चय् यानाः नेवाःतय्त थनेमफुत धाःसा – नेवाः स्वायत्त राज्य हे वःसां व प्यन्हुया पाहां जक साबित जुइ लिसे स्वायत्त राज्य विरोधी, संघीयता विरोधी ब्रम्हु क्षेत्रीतय्गु हे हाली मुहाली जुइगु खँय् शंका याये मालीमखु ।

थुगुसी वंगु न्हूदँ हनेथें नेवाः एकता दिवस नं तिनिख्यःया चकं दबुलिइ हनेगु ज्या जूगु खः । लख मनूत मुंकेगु व एकताया जक रुप प्रदर्शन जुइगु खँयात कयाः प्रचार प्रसार जूसां सुथय् मौसमं साथ मबीवं मनूतय्गु ब्वति हे म्हो जुल । लख मनूतय्गु शक्ति प्रदर्शन स्वयेत वःपिं क्षेत्री ब्रम्हुतय्सुं छुं हजारया जक मास स्वयाः वन । नेवाः विरोधी, स्वायत्त राज्य विरोधी व संघीयता विरोधीतय्त न्हिइकेगु ज्या जुल । मौसमं प्रभावित जुइगु नेवाः आन्दोलनय् थौं नं न्हूगु रक्त सञ्चार यायेपूmगु मदुनि । स्वंगू दशक न्ह्यःया मानसिकताया थौं नं हिलेपूmगु मदु । मौसमयात चिरे यायेपैmगु बिचाः व मानसिकताया विकास यायेमफुत्तले नेवाः स्वायत्त राज्य वहे वल धाःसां नं उकियात न्ह्याकीपिं झी नेवाःत मखु, भाय् मस्यूपिं, नेवाः नुगः मदुपिं खस–ब्रम्हुया दिमायाःपिं मनूत जकं जुइगु मखुला ? न्ह्यसः दनावइगु अस्वभाविक मखु ।

संघर्ष समितिया थ्वहे पहः व कमजोर संरचनाया कारण थीथी घटकतय्सं सक्रियता क्यनाच्वंगु मदु । व्यवहारय् अस्तित्वहे मदुगु संगठनया नामय् घटकया रुपय् प्रतिनिधित्व याकाः संगठनयात कमजोर यायेगु ज्या जुयाच्वंगु दु । व्यवहारय् गतिशील, सक्रिय व संगठित संस्थाया जक प्रतिनिधित्व याकेमाः । नेपाली कांग्रेसपाखें प्रतिनिधित्व जुयाच्वंगु घटकया व्यवहारय् छुं हे भूमिका हे मदु । न उया संगठन दु, न कार्यकर्ता दु नत व्यवहारय् छुं गतिशीलता हे दु । उज्वःगु संस्थाया आवश्यकताया आधार छु : राजनीतिक इमान्दारीता हे मदुगु उज्वःगु संस्थायात घटकया रुपय् स्वीकार यायेगुया अर्थ हे बेइमानीपूर्ण दु । सतकय् नं उगु दबुली न्यय्म्ह मनू मुंकेपूm नत इमान्दारीपूर्वक छुं ज्याहे जुइपैm ? उकिं पार्टीया सहानुभूति कायेगु लोभं संगठानिक संरचनायात गाक्कं स्यंकेगु ज्या थुकिं यानाच्वंगु मदु धकाः धायेपैm मखु ।
थ्वहे हालत नेवाः न्ह्यलुवाःया नामय् पिहांवयाच्वंगु नेपाः राष्ट्रिय पार्टीया नं दु । स्वयाहे वन धाःसा मेमेगु संघ संस्थाया हालत नं थुगु हे कथंया दु । थुज्वःगु अवस्थाय् मनू यक्को दुगु संघसंस्थाप्रति जक ख्वाः स्वयाः ज्याभ्mवः यायेगु गुलित मनासिब जुइ ? उकिं सांगठानिक थुगु संरचनायात हिकेमाःगु दु ।

थुयाल्यू संघर्ष समितिं थःगुहे कथं संगठन विस्तार यानाः नेवाःतय्गु त्वाःत्वालय् गां गामय् संगठनया किचःत स्वंस्वं वनेमाः । इमित राजनीतिक चेतना थनाः – सचेत व जुझारु यायेमाः । आर्थिकरुपं सक्षमता दयेकाः मनूतय्त आःयात अल्पकालिन व निकट भविष्यय् हे पूर्णकालिन दयेकेफयेमाः । स्वयंसेवकं समाजसेवा जक जुइ राज्यया बफादार कार्यकर्ता जुइमखु । मौसमं प्रभावित जुइपिं कार्यकर्ता ज्वनाः ताःतक्क वनेगु सम्भव मदु । स्वायत्त राज्य प्राप्त यायेगु लँ ताःहाकःगु व कष्टपूर्ण खनेदुगुलिं थुकियात बिचाः यानाः माःकथंया व्यवस्था यानाः जक न्ह्याः वनेगु जरुरी दु । नेवाःतय्त राजनीतिक सचेतना बीगु कथं नं न्ह्याकेहे माः ।

More Stories Like this