खड्गसिद्धि जात्रा म्हिगः बहनी क्वचाल

येँ (झीगु स्वनिगः)
श्री पचली भैरबया झिंनिदँया खड्गसिद्धि जात्रा म्हिगः बहनी क्वचाःगु दु । येँया छगू महत्वपूर्ण जात्रा कथं काइगु थ्व जात्रा शुक्रबाः बहनी च्याताः इलंनिसें न्ह्याःगु खः । जात्राय् अजिमा, बाराही, कुमारी, द्रोपदी, श्वेत भैरव, पचली भैरव आदि अष्टमात्रिकाया देवदेवीया प्याखंत क्यनेगु ज्या नापं जूगु खः ।

जात्रा ज्वःछि हँय्, खा, मेय् आदिया पञ्चबलि बिइगु ज्याभ्mवः दुगुलिइ शुक्रबाःया ज्याभ्mवलय् निम्ह बलि ब्यूगु मच्छिन्द्र क्लबया नायः सुनिल कपालीं जानकारी बियादिल । वय्कलं ऐतिहासिक रूपय् नं महत्वपूर्ण दुगु नेवाः समुदायया धार्मिक जात्रायात संरक्षण यायेगु उद्देश्यं थ्व जात्रायात निरन्तरता बीमाःगु धयादिल ।
नायः कपालीया धापू कथं जात्रा क्वचायेकेत निगू लख खर्च तुइगु धुकुमाः यानादीगु खः । परम्परागत देवदेवीया मुकुट, धार्मिक वेषभूषा व वसःपाखें छाय्पियाःतःगु उगु देवदेवीया प्याखं न्ह्यःब्वयेगु ज्या जूगु खः । हरेक झिंनिदँय् ग्वसाः ग्वइगु उगु जात्रा म्हिगः बहनी लिबाक्क क्वचाःगु ग्वसाः खलकं जानकारी ब्यूगु खः ।