ओबामां स्वलाया दुने ६ करोड असी लाख चन्दा मुंकल
अमेरिकी राष्ट्रपति बाराक ओबामा थःगु राष्ट्रपतिय चुनावया लागि सन् २०११ या अन्तिम स्वलाय् ६ करोड असी लाख चन्दा मुंकूगु खँ धाःगु दु । ओबामाया २०१२ चुनावी क्याम्पेन म्यानेजर जीम मेसिन्नां थ्व खँ सार्वजनिक याःगु खः ।
रिपब्लिकन पार्टीया वया प्रत्यासी उम्मेदवार मीट रोम्नी धाःसा वंगु स्वलाया दुने २ करोड ४० लाख अमेरिकी डलर मुंकूगु धाःगु दु । श्रोतया कथं ओबामां थःगु चुनावी क्याम्पेनया लागि आःतकया दुने २० करोड अमेरिकी डलर मुंके धुंकूगु दु । थुकि मध्यय् ९८ प्रतिशत ध्यबा २५० डलर वा व स्वयां कम चिचीधंगु चन्दां म्हःगु धाःगु दु ।
लुमंकेबह जू, सन् २००८ या चुनावी क्याम्पेनय् ओबामां ७५ करोड अमेरिकी डलर मुंकूगु खः ।
More Stories Like this
चिकंया भाः कुहां वनाः ऋणात्मक बेलायतं चीनपाखें न्याःगु टेस्टिङ किटं ज्या मबिल बेलायतया प्रम बोरिस जोन्सन आइसीयूलय् अमेरिकाय् २ लाख ४० हजारतक सिइफुगु व्हाइट हाउसया अनुमान सामाजिक दूरी अवज्ञा याःपिन्त सिंगापुरय् खुलातक जेल
