सिकाली द्यः थौं यलय् हइगु

यल(सन्ध्या टाइम्स)/खोनाय् न्ह्यानाच्वंगु सिकालीया झिंनिदँ जात्राया झ्वलय् थौं सिकाली द्यःयात यलय् बिज्याकीगु जूगु दु। थौं यलय् द्यः बिज्याकाः कन्हय् लाय्कू दुनेया केशवनारायण चोकय् प्याखं हुइकीसा माघ ५ गते मूचुकय् प्याखं हुइकीगु चलन दु। वयां लिपा गनं त्वालय् प्याखं हुइकेत निमन्त्रण यात धाःसा अन हुइकी, मखुसा ८ गते खोनाय् तुं लिहां बिज्याइगु खँ सीदुगु दु।