मांभासं बाखं च्वयेगु कार्यशाला न्ह्यात
येँ(सन्ध्या टाइम्स)/मातृभाषा केन्द्र नेपाल व सिल इन्टरनेशनलया ग्वसालय् झिन्हुया मातृभाषा बाखं च्वयेगु कार्यशाला वंगु सोमवाःनिसें न्ह्यात।
कार्यशालाय् आठ पहरिया, याम्फु, याखा, नेवाः, बजाङ्गि, लोहोरुङ्ग, ल्होमी, चेपाङ्ग भाषाया मुक्कं नीनिम्हेसिनं ब्वति कयाच्वंगु दु। थुगु कार्यशालाय् झिन्हुया दुने थःथःगु अनुभवया बाखं थःथःगु मातृभासं च्वयेगु ज्या जुइ।
मातृभाषा केन्द्र नेपालया निर्देशक नोरी मास्सुउराया संयोजकत्वय् न्ह्यानाच्वंगु थुगु कार्यशाला वइगु माघ ५ गते तक न्ह्याइ।
