वाम नेता भक्तबहादुर मंत
येँ(सन्ध्या टाइम्स)/पुलांम्ह वामपन्थी नेता लिसें एकीकृत माओवादीया सल्लाहकार परिषद्या महासचिव भक्तबहादुर श्रेष्ठ मंत।
हेटौंडाय् थःगु हे छेँय् च्वनाच्वंम्ह वय्कः आकाझाकां स्वाहानें कुतुं वयाः बांमलाक घाःपाः जुयादीगु खः। घाःपाः जूम्ह वय्कःयात वासः याकेत येँय् हयाच्वँच्वं हे लँय् तुं मदुगु खँ सीदुगु दु।
थौं अन्तिम श्रद्धांजलिया लागिं वय्कःया शवयात माओवादीया मू ज्याकू पेरिस डाँडाय् तःगु दु। थौं हे पशुपति आर्यघाटय् वय्कःया अन्तिम संस्कार याइगु नं ज्याझ्वः दु। वय्कःयात प्रधानमन्त्री डा. बाबुराम भट्टराई नापं अध्यक्ष प्रचण्ड व मेपिं नं आपालं नेतातय्सं अन्तिम श्रद्धांजलि प्वंकूगु खः।
