भाः थकाःसा पेट्रोल दइ
येँ(सन्ध्या टाइम्स)/देय्न्यंकं जुयाच्वंगु पेट्रोलियम पदार्थया अभाव चीकेगु खःसा सरकारं पेट्रोलय् कयाच्वंगु राजश्व मिनाहा यायेगु वा भाः थकायेगु निगू विकल्प मध्ये छगू मल्यसें मगाःगु खँ नेपाल आयल निगमया प्रवक्ता मुकुन्द ढुंगेलं धयादीगु दु।
थौंकन्हय् विद्युतया लोडशेडिङं यानाः जेनेरेटर च्याकीपिनिगु कारणं डिजेलया माग अझ अप्वःगु व उकिं यानाः निगमया घाटा नं झन अप्वयेका बिउगु खँ कँसें वय्कलं पेट्रोलियम पदार्थय् कयातःगु राजश्व मकायेगु वा भाः थकायेगु बाहेक निता मध्ये छता ज्या मयाःतले पेट्रोलया आपुर्ति सहज मजुइगु खँ नं कनादिल। थौकन्हय् बजारय् पेट्रोलियम पदार्थया अभाव जारी हे जुयाच्वंगु दनि।
