थारुवान बन्द

येँ(सन्ध्या टाइम्स)/थारुवान कोचिला राज्यया माग यासें थारुतय्सं थौं बन्द याःगुलिं पूर्वाञ्चलया खुगू जिल्ला ठप्प जूगु दु। झापा, सुनसरी, मोरङ, सिरहा व उदयपुरय् बन्दया प्रभाव लाःगु दु। माओवादी सभासद् सन्तोष थारुया नेतृत्वय् गठन जूगु पूर्वी थारुवान कोचिला राज्य संघर्ष समितिं थ्व बन्द याःगु खः। संघर्ष समितिं थारुवान कोचिला राज्य घोषणा यायेमाःगु, थारु, दनुवार, राजवंशी, राज-धामी, धिमाल, मेचे, झागड, सन्थाल, दराई, गनगाई, ताजपुरिया जनजाति ल्याय्म्हतय्त सेनाय् प्रवेश यायेमाःगु माग याःगु दु। इमित सरकारं वार्ताय् वयेत आह्वान याःसां औपचारिक पौ मवःगुलिं वार्ता धाःसा जुइ मफुनि।