दुहिसि
पुष्प तुलाधर
आमैया चाया हाकु ख्वाः
छपातं हे नगुत
पिलिपिलि थाइ,
बिपात्र छ्याकः खू
फिग्वलं न्वयाः
बाँला तकं लज्या चाइ ।
न्ह्यानाच्वंगु खुसि बाँलुयाः
वैगु म्हय् ईलं हे
ल्यासेसू न्यासि चाइ,
न्हिनसिया जः तक
मिखा चुलाइभनं
किचलं माछि गाइ ।
अहो ! व कविया
कविताय् हिलाः
कवि थुभनं येचायेकी
वैगु मिखा भासं सःता
ख्यूँया सुलिमय्
थःत दुचायेकी ।
ख्यूंया दुगं सलिखय्
लुनाब्यूगु ह्याउंथ्वं
छघुतु जक छू कविं घुतुकी,
गुजुहुँ न्वया वःगु मिखां
सातनया सिलः
घुसुहं चियेकी ।
ख्यूँया बः दुने वैग म्हं
पुलाम वसः त्वताः बिस्कं
मेगु हे म्हय हिला बी,
व व हे मुखु. मुक्कं मेम्ह
यचु पिचु सिचु हिसिया
स्वर्गाया परी न्हिला बी ।
सत्य व हलिं हे मेगु
हाकुल्वहंया दुने
ज्वाल्वहंया दुने
ज्वाल्ल हिरा थिनाबी,
अह ! व स्वर्ग हे मेगु
सर्गया थाःगाः पुलाः
बिस्कंगु हलिं चिना बी ।
व कवि झाः झाः
थःगु हे कविताय्
येचाइगु हे उकिं
व हलिं
खँग्वःया भुलामं
मिथकय् सुचसका बी ।
Related Stories
मुलुच्वका नुगःचु लिपस्टिकMore Stories Like this
मांया ख्वाः स्वये नेवाः हाइकु निलापौ नेवाः हाइकु निलापौ नेवाः हाइकु निलापौ नेवाः हाइकु निलापौ
