टेलिकमपाखें मोबाइलय् सीआरबीटीया व्यवस्था खारेज
येँ (सन्ध्या टाइम्स)/नेपाल टेलिकमया वेबसाइट चायेकाः ल्यत्तुल्ययाः थःगु मोबाइलय् सीआरबिटी अर्थात फोन यायेगु इलय् हालीगु म्येँ भरे यायेगु छिगु कुतः आः बेकार जुइ ।
वंगु चान्हंनिसें टेलिकमं उगु व्यवस्था हे खारेज याना बिउगु दु। थीथी म्युजिक कम्पनीपाखें प्रविधिया दुरुपयोग यानाः मेपिनिगु मोबाइलय् सीआरबिटी डाउनलोड यानाः करोडौं तकाया ठगी याःगु समाचार सार्वजनिक जुइवं टेलिकमं आः सिआरबिटी तयेगु व्यवस्था हे चीकूगु खः। नेपाल टेलिकमया प्रवक्ता सुरेन्द्र थिकें धयादिल, 'वेबसाइटया दुरुपयोग यानाः यक्व हे ध्यबा मोबाइलपाखें खुयाः काःगु सिआरबिटी तयेगु ज्या याःगुलिं उगु सेवा बन्द यानागु खः। सिआरबिटी खुयाच्वंगु म्युजिक कम्पनी बारे छानबिन जूगु दु, आः प्रक्रिया पूरा यानाः सार्वजनिक यायेगु जुइ ।'
सिआरबिटी अवैध डाउन लोडया ज्याय् टेलिकमया हे प्राविधिक कर्मचारीतय् ल्हाः दुसा छानबिन लिपा उमित नं कारवाही यायेगु खँ धाःगु दु ।
