ज्ञानपूर्णिक न्हूम्ह नायः

येँ (सन्ध्या टाइम्स)/धर्मोदय सभाया न्हूम्ह नायः पदय् भिक्षु ज्ञानपूर्णिक महास्वविर नियुक्त जुयाबिज्याःगु दु। थुगुसी थेरवादी बौद्धया नेतृत्व यायेगु पाः जूगुलिं वसपोलयात नायः ल्यःगु खः। वसपोल नायः जुयाबिज्यायेवं निवर्तमान नायः पं. बद्रीरत्न वज्राचार्य सल्लाहकारसभाया अध्यक्ष जुयादीगु दु।
उखे संघउपनायक भिक्षु कुमार काश्यप महास्थविरया छ्यनय् ख्वयाच्वंगु हि म्हिगः अपरेशन यानाः लिकाःगु दु। थुगु अपरेशन सफल जूसां वालय् निक्वः डायलेसिस यायेमाःगु वसपोलया उपचार धाःसा जारी हे जुयाच्वंगु दनि ।