पाल्पाय् नेपालभाषा बाखं गोष्ठी
पाल्पा(सन्ध्या टाइम्स)/बाखं दबू व स्थानीय पासा खलःया मंकाः ग्वसालय् थन म्हिगः जूगु नेपालभाषा बाखं गोष्ठीइ पाल्पाया स्थानीय नेवाः साहित्यकारतय्सं नं नेवाः भासं हे बाखं पाठ यायेगु ज्या जुल।
थनया टक्सारस्थित महाचैत्य विहारय् जूगु उगु गोष्ठीइ पाल्पाया साहित्यकारपिं चिनियाँलाल बज्राचार्य, छत्रराज शाक्य, देवप्रसाद वज्राचार्य, दिलबहादुर शाक्य, रचना शाक्य, अनुराधा वज्राचार्य, राजेन्द्रगोपाल सिंह, सुमना शाक्य, सुलोचना उदय, चक्रमान शाक्य व केशवलाल वज्राचार्यं बाखं पाठ यानादीगु खः। अथे हे बाखं दबूपाखें शशिकला मानन्धर, नारद वज्राचार्य, सुजिता महाजु, केदार सितु व भक्तबहादुर शाक्यं बाखं ब्वनादीगु खः।
पासा खलःया नायः छत्रराज शाक्यया सभापतित्व व बाखं दबूया नायः लक्ष्मण राजवंशीया प्रमुख आतित्यथाय् जूगु उगु ज्याझ्वलय् पाल्पाया ज्याथम्ह उपन्यासकार चिनियालाल वज्राचार्ययात बाखं दबूपाखें पलिंगां न्ययेकाः हनेगु ज्या नं जूगु खः।
