मधेसी नेतात आः सन्तुष्ट
येँ(सन्ध्या टाइम्स)/लछि न्ह्यः तक सरकारं थःपिनिगु छुं हे माग पूरा मयाः धकाः असन्तुष्ट जुयाच्वंपिं सत्तारुढ मधेसवादी दलतय्सं आः सरकारं मधेसी मोर्चाया मागत पूरा याना हःगु खँ धाःगु दु।
मधेसी नेतातय्सं थौंकन्हय् तराईया थीथी थासय् जुइगु भेलाय् न्ववायेगु झ्वलय् माओवादीलिसे जूगु प्यंगू बुँदे सम्झौता मध्ये मधेसी जनतायात नागरिकता बीगु, सेनाय् मधेसीयात मंकाः रुपं प्रवेश याकेगु व राज्यया थीथी निकाययात समावेशी यायेगु धइगु स्वंगू मागया विषयय् मन्त्रिपरिषद्पाखें ठोस निर्णय यायेधुंकूगु जानकारी बीगु यानाच्वंगु दु। सर्वोच्च अदालतं मधेसी सेनाया बारे याःगु फैसलायात धाःसा उमिसं आलोचना याःगु दु।
