शोकय् लमही बजाः बन्द
येँ(सन्ध्या टाइम्स)/गाडी दुर्घटनाय् लानाः दाङया झिम्ह स्थानीय व्यवसायीत सीवं थौं दाङया उद्योग वाणिज्य महासंघया आह्वानय् लमही बजाः बन्द यात। म्हिगः सुथय् लमही बजारं कृष्णनगरपाखे वनाच्वंगु छगः जीप न्ह्यःनं वयाच्वंगु ट्रकय् ठक्कर नयाः जीपय् च्वना वंपिं झिम्ह यात्रु सीगु खः। सीपिं सकलें कृष्णनगरय् सामान न्याः वनाच्वंपिं लमही बजाःया स्थानीय व्यवसायीत खः। ना. १ ज १३४९ नम्बरया उगु जीप ना. ३ ज ६०९२ नम्बरया ट्रकय् ठक्कर नःगु खः। तसकं ब्वाकाः यंकाच्वंगु उगु जीप ख्वातुक खसु वयाच्वंगुलिं गलत थासय् मोडय् जुयाः ट्रकलिसे ठक्कर नःगु खः। दुर्घटना दाङया गोबरहिडा-१ या कालाकोट धाःगु थासय् जूगु खः।
