डोजर विरुद्ध त्वाःत्वालय् संघर्ष समिति गठन

येँ(सन्ध्या टाइम्स)/सतक तब्या यायेगु नामय् सरकारं न्ह्याकूगु छेँ थुनेगु अभियानं पीडित थीथी थाय्या स्थानीय मनूतय्सं त्वाःत्वालय् संघर्ष समिति गठन यानाः आः समन्वयात्मक ढंगं ज्याझ्वःत याइगु जूगु दु। म्हिगः येँया १३ वडा टंकेश्वरय् छगू संघर्ष समिति गठन जूगु दुसा थ्व समितिं महाराजगंज, लैनचौर, कुलेश्वर आदि लागाया पीडित जनतालिसे जानाः ज्याझ्वःत यायेत्यंगु दु। आःयात प्रचार प्रसार, भेला व गोष्ठी यानाः सरकारी ज्याया विरुद्ध जागरण हयेगु खँ धाःगु दु।