नेपालभाषा स्वस्थानी बाखं आः अडियोय्
नेपालभाषाया स्वस्थानी बाखं आः अडियो न्यनेफइगु जूगु दु । संचार नेपाल प्रालिपाखें न्ह्याका वयाच्वंगु नेवाः एफएम १०६.६ मेगाहर्जया लबु ज्याझ्लय् कन्हय् मिलापुन्हिनिसें न्हियान्हिथं सुथय् ६:४५ ताः इलय् लछियंक मय्जु रश्मी मान्नधरपाखें थुगु बाखं न्यनादी फइ ।
आःतक लूगु अभिलेख कथं राष्ट्रिय अभिलेखालय् दुगु ने.सं. ६९३ या बाखं हे दक्कले पुलांगु स्वस्थानी बाखं खः । थुकिइ संस्कृतं च्वयातःगु पौ व ने..सं. ७२३ य् भाय् हिलातःगु पौ दु । संस्कृतभाषाया स्वस्थानीपाखें नेपालभाषाय् स्वतन्त्ररुपं च्वयातःगु थुगु सफूपाखें हे मेमेगु स्वस्थानी बाखं विकसित जूगु कथं कायेग याः । स्वस्थानीया मेमेगु संस्करण संस्कृत, नेपालभाषा, नेपाली, मैथिली (प्याखं, ने.सं. ८३१) व हिन्दी (प्याखं, ने.सं. ९९२) नं लुयावःगु दु ।
कन्हसंनिसें न्ह्यब्वयेत्यंगु बाखं धाःसा भाजु ऐश्वर्यधर शर्मापाखें सम्पादित स्वस्थानी बाखं खः । थुकिया लिसें नेपालभाषाया दक्कले न्हापांगु स्वस्थानी नं ज्याझ्वलय् प्रसारण जुइगु जूगु दु ।
हलिं न्यंकया न्यँमिपिनि लागि थुपिं सकतां अडियो नेपालमण्डल डट कमय् नं अडियो उपलव्ध जुइ ।
Related Stories
स्वस्थानी बाखं - १ स्वस्थानी बाखं - २ स्वस्थानी बाखं - ३More Stories Like this
काेरियाय् नेवाः भ्वय्, नम्रता श्रेष्ठयात हन न्यूयाेर्कय् इहि राजनीतिक दलतय् घोषणापत्र व नेवाः दृष्टिकोण किपुली मंकाः बाखं गोष्ठि "वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी
