नेवाः स्वायत्त राज्य बारे सहलह
येँ (सन्ध्या टाइम्स)/नेवाः राष्ट्रिय मुक्ति मोर्चा, ७ नम्बर क्षेत्र सांगठनिक क्षेत्र नं. १४ या ग्वसालय् नेवाः स्वायत्त राज्य बारे अन्तर्क्रिया जुल। ग्वसाः खलःया नायः युद्धमान महर्जनया सभापतित्वय् जूगु उगु ज्याझ्वलय् "शान्ति, संविधान व नेवाः स्वायत्त राज्यया न्ह्यसः" विषयय् क्षेत्र नं. ७ या सभासद हिसिला यमि व महान्यायाधिवत्ता मुक्ति प्रधानं न्ववानादीगु खः। ज्याझ्वलय् सभासद खिमलाल देवकोटा, नेपाल तामाङ्ग घेदुङ्गया नायः कुमार योञ्जन, नेवाः न्ह्यलुवा डा. चुन्दा बज्राचार्य व भूमि सुधार राज्यमन्त्री ज्वालाकुमारी साहं स्वायत्त राज्यया बारे थःथःगु बिचाः प्वंकादीगु खः।
ज्याझ्वलय् इसास किपू व प्रगतिशिल देशभक्त कलाकार मञ्चं सांस्कृतिक ज्याझ्वः नं न्ह्यब्वःगु खः ।
