थौं अन्तिम कुतः

येँ(सन्ध्या टाइम्स)/न्हूगु संविधानया विवादित विषयत ज्यंकेगु नितिं धकाः दयेकातःगु संविधानसभाया संवैधानिक समिति अन्तर्गतया उपसमिति, संवैधानिक समिति व शीर्ष नेतातय्सं सहमतिया नितिं थौं अन्तिम कुतः याइगु जूगु दु।
संविधान निर्माणया नितिं धकाः लिपांगु इलय् दयेकातःगु कार्यतालिका कथं थौं तकया दुने राज्य पुनर्संरचनाया विषय बाहेक फुक्कं विवादित विषय ज्यंकेमाःगु अले सहमति मजूगु विषययात कयाः कन्हय् निसें संविधानसभाय् बहुमतया आधारय् पारित यानाः संविधानया मस्यौदा च्वया यंकेगु कार्यतालिका दयेकातःगु खः। तर थौं तक नं शासकीय स्वरुपया बारे विवाद जुयाच्वंगु दु। कांग्रेसं संसदीय व्यवस्था कथं हे शासकीय स्वरुप दयेकेमाः धकाः अडान कयाच्वंगु नापं संविधानसभाय् बहुमतया आधारय् पारित यानाः संविधानया मस्यौदा दयेकेगु मयासे बरु कार्यतालिकायात हीकाः राज्य पुनर्संरचना आयोगयात म्याद बियातःगु माघ महिनाया निगूगु वाः तकया दुने सहमति यायेमाः धकाः न्हूगु कथं प्रस्ताव हयाच्वंगु दु।