व्हाइ दिस हीरोगिरी डी....

तामिल पहलं हालातःगु अंग्रेजी खँग्वः दुगु म्ये 'कोलावेरी डी' तसकं लोकं व्हायेवं कोलकाता पुलिसं थुगु खँग्वःलिसे ज्वःलाःगु न्हूगु अभियान न्ह्याकूगु दु । 'व्हाइ दिस हीरोगिरी डी' धकाः नारा बियाः न्ह्याकूगु थुगु अभियान बिना हेलमेट मोटरसाइकल गइपिन्त जनचेतना फैले यायेत खः धकाः धाःगु दु ।

कोलकाता पुलिसं कोलकाताय् थाय्‌थासय् 'व्हाइ दिस हीरोगिरी, हीरोगिरी, हीरोगिरी डी' धकाः नारा सहितया होर्डिङ बोर्ड तयाहःगु दु ।

अथे ला 'व्हाइ दिस कोलावेरी डी' लोकं व्हायेवं थ्वलिसे ज्वःलाःगु थीथी प्यारोडी दयेकेगु लिसें, विज्ञापन आदि नं दयेका वयाच्वंगु खः । भिडीयो सेयरिङ साइट यूट्यूबय् अपलोड जुइधुंकाः लत्या दुने हे तीन करोड पटक स्वःगु थुगु भिडियोयात सीएनएन टेलीभिजनं सन् २०११ या दक्कले लोकंव्हाःगु म्ये धकाः न्ह्यथंगु दु ।

More Stories Like this