एम्बुलेन्सय् ब्राउन सुगर बरामद
येँ(सन्ध्या टाइम्स)/दाङया तुलसीपुरस्थित नेपाः-भारत मैत्री संघया एम्बुलेन्सय् थौं वंगु चान्हय् प्रहरीं २०० ग्राम ब्राउन सुगर बरामद याःगु दु। ब्राउन सुगर नापं एम्बुलेन्सया चालक व मेपिं निम्हेसित प्रहरीं ज्वंगु दु। रा. १ च २९० नम्बरया उगु एम्बुलेन्सया चालक निमलाल ज्ञवाली नापं राजन पुरी व छबी केसीयात प्रहरीं नियन्त्रणय् कयाः अनुसन्धान न्ह्याकाच्वंगु दु। एम्बुलेन्सय् विरामी मदुगु थें च्वनाः प्रहरीं चेकजाँच याःबलय् ब्राउन सुगर लुयावःगु खः।
