दक्कले यक्व कमे याइपिं बलिउडया आइटम गर्लत
हिन्दी फिल्मय् बैजन्तिमाला व पद्मिनीं सुरु जूगु आइटम डान्सया महत्व आः नं उति हे दनि । बलिउडय् अप्वः नां व ध्यबा कमे यायेगु छगू लँपु फिल्मय् दइगु आइटम म्ये वा भूमिकाय् म्हितेगु नं खः ।
चाहे पुलांगु 'मन डोले तेरा तन डोले' म्ये जुइमा वा 'मुन्नि बद्नाम हुइ' जुइमा, फिल्मय् छपु आइटम म्यें उगु फिल्म हिट फ्लप जुइगुलिं पाकीगु जक मखु कि व्यापार नं निर्धारण याइगु झीसं खना हे च्वनागु दु ।
बलिउडय् थौंकन्हय् दक्कले यक्व ध्यबा कमे याइपिं आइटम कलाकारत सु सु खः छक्वः मिखा ब्वये :
बिपाशा बसु
जोनलिसेया ब्रेक अप लिपा थःगु करिअर दयेकेत बिपाशां यक्व मेहनत यायेमाल । सलमान खानया फिल्म 'दबांग'या तामिल भर्जन फिल्म 'गब्बर सिंह'या छपु म्येया लागि वं एक करोड भारु माग याःगु खः ।
मल्लिका अरोरा
मुन्नि आःतक नं बलिउडया आइटम नम्बर चार्टय् न्ह्यःने हे दु । सजिद नदियादवालाया 'हाउसफुल २' या लागि मल्लिकां १.७५ करोड भारु माग याःगु दु ।
मल्लिका शेरावत
थुम्ह अन्तरराष्ट्रिय स्टार आइटम नम्बरया लागि जक हे थें जुयाच्वंगु दु । मल्लिकां 'थ्याङ्क्यू' व 'बिन बुल्ले बराति' या निपु आइटमया लागि ३ करोड भारु पारिश्रमिक काःगु खः ।
क्याट्रिना कैफ
बडिगार्डया आइटम नम्बरया लागि क्याट्रिनां ५० लाख भारु पारिश्रमिक काःगु खः ।
समीरा रेड्डी
प्रियदर्शनया 'आक्रोश'या लागि समीरा ७० लाख भारु पारिश्रमिक काइगु हुइना भुइना जूगु खः तर वया ल्हाःतिइ अन्तय् २५ लाख भारु जक लात ।
राखी सावन्त
आइटम नम्बरय् लुमंकीगु मेगु नां राखी सावन्त खः । फिल्मय् छपु म्येया लागि राखीं सामान्यतः १० निसें १२ लाख भारु पारिश्रमिक कायेगु याः ।
More Stories Like this
बाघ भैरवया भजन म्येँया म्यूजिक भिडियो सार्वजनिक दाफा भजन म्येँ नं आः म्यूजिक भिडियोय् श्रीच्छा प्रधानं त्याकल 'मिस नेपाल वर्ल्ड २०२३' या उपाधि नेपालभाषाया न्हूगु म्युूजिक भिडियो “याकः मिसाया छेँ खः झीगु किपू देयया प्यंगः थां” सार्वजनिक मिस नेवाः जिगु लुमन्ति व अनुभव
