डायरी

डा. बालगोपाल श्रेष्ठ

सुयागु नामय् च्वये जिं डायरी
थ्व भला कुसारी मखु
ज्योना धुनला
बेलि धुनला
म्हं फुला
म्हं मफुला
स्वैके न्यनेगु
स्वैत धायेगु ।
झ्वार्रर झ्वार्रर
तःकः तःक कोरे याना नं
मच्यागु सलाई ।
म्यूजियमय् तया
सासः ल्हाके फै ला जिं जितः ।
इतिहासया पात्रत नापं
थःत म्वाका तये फैला ।
अहो कस्त फये फै मखु जिं
इतिहासय् म्वायेगु ।
बर्तमानया धरातलय् जि
गुलि अस्तव्यस्त ।
न जिगु छुं आज्जु दु ।
न लँपू ।
भविश्यया मिखा छुया
जि म्वाना च्वना
मुकं बर्तमान स्याना ।

जनवरी २३, १९८२

More Stories Like this