पूर्वाञ्चल बन्दं जनजीवन प्रभावित

येँ(सन्ध्या टाइम्स)/अयोग्य लडाकुतय्सं थःपिनि नामय् जूगु खर्च सार्वजनिक यायेमाःगु, योग्य लडाकु सरह सेवा सुविधा बीमाःगु माग यासें थौं पूर्वाञ्चल बन्द याःगुलिं अनया जनजीवन प्रभावित जूगु दु। बन्द आह्वान यानातःगुलिं यातायात, कलकारखाना व शिक्षण संस्था ठप्प जूगु दु। सुथय् ४ बजेनिसें हे सतकय् टायर च्याकाः पुलांपिं लडाकुतय्सं प्रदर्शन यानाच्वंगु दु। इमिसं छुं दिं न्ह्यःनिसें लगातार रुपं थाय् थासय् बन्द याना वयाच्वंगु खः।