पेट्रोल मबिउगुलिं व्यवसायीपाखें निगम घेराउ

येँ(सन्ध्या टाइम्स)/पेट्रोलियम पदार्थ सहज रुपं आपूर्ति यायेमाःगु माग यासें यातायात व्यवसायीतय्सं थौं नेपाल आयल निगम घेराउ याःगु दु। सछिं मल्याक व्यवसायीतय्सं बबरमहलय् च्वंगु नेपाल आयल निगमया ज्याकू घेराउ याःगु खः। घेराउ लिसें उमिसं अन नाराबाजी नं याःगु खः। सुथय् ९ निसें ११ बजे तक यातायात व्यवसायी राष्ट्रिय महासंघं याःगु उगु घेराउ व नाराबाजीं यानाः कर्मचारीत तकं दुने दुहां वने मखंगु खः।