सन् २०११या झिंछपाः किपा

सन् २०११य् हलिंन्यंक आपालं तःतःधंगु घटनात जुल । गनं आर्थिक समस्या जुलसा गनं सरकार विरोधी ततःधंगु प्रदर्शन व छुं छुं थासय् प्राकृतिक प्रकोपं दुःख बिल । थुगु हे दँय् जूगु मू मू घटनाया झिंछपा किपात थन न्ह्यव्याच्वनाः ।


१. इजिप्टया राष्ट्रपति होसिनि मुकारक विरुद्ध जूगु विद्रोहया झ्वलय् राजधानी काइरोया ताहिर स्क्वायर कब्जा यानाच्वंपिं प्रदर्शनकारीत । इजिप्टय् जनवरी २५ तारिख निसें तत्कालीन सरकार विरुद्ध विद्रोह न्ह्याःगु खः । लखौं मनूतय् प्रदर्शन लिपा मुबारक सरकारं जनताया न्ह्यःने पुलिं चुइमाःगु खः ।



२. ग्रीसय् तःधंगु प्रदर्शनया बाबजुद नं अनया संसदं आर्थिक मितव्यता सम्बन्धी विधेयकयात पारित यात ।



३. उत्तर पूर्वी जापानय् वःगु ८.९ रेक्टर स्केलया भुखाय् व वया लिपा वःगु सुनामिया हुनिं आपालं छेँ बुँ व गां चुइकाः यंकूगु खःसा फुकुसिमा आनविक भट्टीइ तकं क्षति जूगु खः ।



४. बेलायतया राजकुमार विलियम्स व केट मिडलटन दथुइ वेस्ट मिनिस्तर एबेय् जूगु इहिपा लिपा बकिंङघाम दरवारया बारदालीइ लसता प्वंकाच्वंगु । उगु इलय् दरवार पिने न्यागू लख शुभ चिन्तकतय्सं निम्हतिपुया सुखी जीवनया कामना याःगु खः ।



५. संयुक्त राज्य अमेरिकाया राष्ट्रपति बाराक ओबामां आतंकवादी सञ्जाल अल कायदा प्रमुख बिन लादेनयात पाकिस्तानय् हवाई कारवाही मार्फत स्याःगु भिडियो ह्वाइट हाउसय् प्रत्यक्ष स्वयाच्वंगु ।



६. लिबियाया राष्ट्रपति मुअमर गद्दाफी मदुगु लसताय् अनया विद्रोही सैनिक लगायत आपालं जनतातय्सं लसता प्वंकूगु खः । फेबुअरी महिनाय् न्ह्याःगु अनया विद्रोहं खुला लिपा जक राजधानी ट्रिपोलि कब्जा यायेत ताः लाःगु खः ।



७. पाकिस्तानया लँ जुयाः अफगानिस्ता वनाच्वंगु नेटोया चिकं दुगु ट्रकयात अनया पृथकतावादी पुचलं च्याकाः बिउगु । नेटोया ट्रक बिना शुल्क पाकिस्तानया लँ जुयाः वनीगु यानाच्वंगुलिं पृथकतावादी पुचलं उकिया विरोध यानावयाच्वंगु खः ।



८. अगष्टय् लण्डनय् स्वयन्हुन्यंक जूगु दंगा । उगु इलय् दंगा नियन्त्रण यायेत म्हो जक सुरक्षाकर्मीत छ्यःगु खँ लण्डन महानगरया प्रहरीतय्सं स्वीकार याःगु दु ।



९. नर्वेया ओटेया तापुइ गोली चलेजूगु इलय् खुइगुम्ह मनूत सीगु खःसा च्याम्ह मनूत बम विष्फोट जुयाः राजधानी ओस्लोय् मदुगु खः । जुलाई २२य् जूगु हमलाय् मेपिं सच्छि व न्यय्छम्ह घाःपाः जूगु खः । एन्डेरस ब्रेभिक नांया छम्ह मनूखं उगु हमलाया जिम्मा काःगु खःसा वयात प्रहरीं ज्वना कुनातःगु दु ।



१०. न्यय्दँ थुके थाइल्याण्डय् वःगु बांमलागु खुसिबालं न्यासः स्वयां अप्वः मनूत सीगु खः । स्वला तक वःगु मनसुनी वां अनया उत्तरी भाग अप्वः प्रभावित जूगु खः ।



११. भाखाचं छेँ दुनाः ल्हाःम्ह निगू हप्ताया मिसा मचायात उद्दार यानाच्वंपिं उद्दारकर्मीत । टर्कीया इर्किसय् ५.६ रेक्टरया भुखाचं आपलं क्षति याःगु खः ।



किपा साभार : बीबीसी

More Stories Like this