थौं तमु ल्होछार न्हूदँ

येँ(सन्ध्या टाइम्स)/थौं गुरुङतय्गु तमु ल्होछार येँ नापं देय्न्यंकं थीथी ज्याझ्वः यानाः हनाच्वंगु दु। 'फुक्क तमुतय्गु कामना, तमुवान राज्यसहितया शान्ति व संविधान जिमिगु चाहान' धइगु नारा थ्वयेकाः थ्व नखः हनाच्वंगु खः। गुरुङतय्सं ल्हाइगु भाय्यात तमु धाइसा थ्व भासं 'ल्हो'या अर्थ न्हूगु अले 'छार' या अर्थ दँ खः। गुरुङतय्गु न्हूदँ तमु ल्होछारयात राष्ट्रिय पर्वया रुपय् मान्यता बिसें २०६५ सालंनिसें थ्व कुन्हु सार्वजनिक विदा बिया वयाच्वंगु दु। दँय्दसं पुष १५ गते तमु ल्होछार नखःया रुपय् हना वयाच्वंगु दु।