माओवादी बैठक जारी
येँ(सन्ध्या टाइम्स)/माओवादी केन्द्रीय कमिटीया बैठक थौं नं जारी दु। बैठकय् अध्यक्ष प्रचण्ड व उपाध्यक्ष मोहन वैद्य पक्षया नेतातय्सं थःथःगु लाइन कथं न्ववायेगु यानाच्वंगु दुसा अमिक शेरचन पक्षं धाःसा निगुलिं लाइनया विरोध यानाः दथुइ च्वनाः न्ववानाच्वंगु दु।
पार्टीया सचिव लिसें वैद्य पक्षया नेता सीपी गजुरेलं यदि पार्टी दुने निगू लाइनया संघर्ष थुकथं हे न्ह्याना वन धाःसा भविष्यय् संविधानसभा दुने संविधानया थीथी बुँदाय् मतदान याइबलय् वैद्य पक्षं फ्लोर क्रस समेत याये फुगु दावी यानादीगु दु। निगुलिं बिचाःयात खुल्ला याःसा जक पार्टी बचे जुइगु खँ नं वय्कलं कनादिल।
