विश्व नेवाः सम्मेलनया 'फलोअप' ज्याझ्वः
येँ (सन्ध्या टाइम्स)/लन्डनय् सम्पन्न जूगु न्हापांगु हलिं नेवाः सम्मेलनया विषयय् थन छगू 'फलोअप ज्याझ्वः' याइगु जूगु दु। कंस शनिवाः कोपुण्डोलया सातोआकी भवनय् उगु ज्याझ्वः यायेत्यंगु खः। ज्याझ्वलय् लण्डनय् जूगु विश्व नेवाः सम्मेलनय् ब्वति कयादीपिं सहभागीपिं लिसें लण्डनय् उगु सम्मेलन जूगु इलय् हे नेपालय् जूगु टेलि कन्फरेन्सय् ब्वति कयादीपिं सहभागीतय्सं ब्वति काइगु खँ धाःगु दु ।
विश्व नेवाः संगठनया न्वकु सुवर्ण वज्राचार्यं कनादी कथं उगु ज्याझ्वलय् सम्मेलनया उपलब्धी लिसें अनं याःगु निर्णयय्त सफल यायेगु लागिं आः म्हितेमाःगु भूमिकाया बारे सहलह व सम्मेलनया अनुभव कालबिल जुइ ।
