पुलांपिं लडाकुपाखें सुदूरपश्चिम बन्द
येँ (सन्ध्या टाइम्स)/सम्मानजनक दीर्घकालिन व्यवस्थापनया नितिं एकमुष्ट आर्थिक प्याकेजया माग यासें आन्दोलनय् कुहां वःपिं बहिर्गमनय् लाःपिं माओवादी लडाकुतय्सं थौं सुदूरपश्चिम बन्द याना बिल। उमिगु बन्दं यानाः सुदूरपश्चिमया प्रमुख व्यापारिक केन्द्र धनगढी बजाः प्रभावित जूगु दु। अनया उद्योग, यातायात, पसः व शिक्षण संस्था तकं बन्द जूगु दु ।
आन्दोलनकारी पूर्व लडाकुतय्सं थःपिंत बियातःगु 'अयोग्य लडाकु' धाःगु बिल्ला खारेज यायेमाःगु, राष्ट्रसंघ शान्तिकोषपाखें बहिर्गमन लडाकुया नामय् छ्वयाहःगु खर्चया सत्यतथ्य सार्वजनिक यायेमाःगु नं माग याःगु दु।
थ्वहे दथुइ उगु बन्दयात मातृका यादवं नेतृत्व यानाच्वंगु पुनर्गठित नेकपा (माओवादीं) ऐक्यबद्धता प्वंकूगु दु ।
