कारवाही विरुद्ध जनकपुर बन्द

येँ (सन्ध्या टाइम्स)/मधेसी जनअधिकार फोरम लोकतान्त्रिकया सभासद् संजय कुमार साहयात याःगु कारवाहीया विरोधय् थौं साहया समर्थकतय्सं जनकपुर बन्द याःगु दु। बन्द आह्वान याःगुलिं अनया कलेज, यातायात नापं बजाः बन्द जुयाः जनजीवन प्रभावित जूगु दु। बन्द समर्थकतय्सं थाय्थासय् सुथंनिसें हे टायर च्याकाः प्रदर्शन यानाच्वंगु दु। संसद दुने थःत दच्छि न्ह्यःनिसें न्ववाके मबिउ धासें सभासद साहं वंगु वालय् संसदया माइक तोडफोड याना बिउगु खःसा उकिया सजायँ स्वरुप सभामुखं वय्कःयात झिन्हुया नितिं निलम्बन नापं क्षतिपूर्ति पुइकेगु कारवाही याःगु खः ।