सक्रिय जुइत इनाप
ज्ञानमाला भजन स्वयम्भुया सः सिउपिं धर्म पासापिं नापं पुलांम्ह नायः एवं जिमि भजन गुरु पन्नाकाजी शाक्यजु छिकिपंत जिगु दुनुगलंनिसें छुं खँ धायेमास्ते वःगुलिं थ्व पौ च्वयाच्वना । छिं जितः भजन सतलय् फ्यतुकाः जितः भजन स्यनादीगु खः । जिं छिगुपाखें गुलि भजन हाले सयेका । अझ यक्वं सयेके मानिगु दनि । तर थौंकन्हय् भजनय् छिगु पलाः लिलिचिउगु थें जिं तायेका । छितः छु खँय् चित्त बुझे मजुल खः सुनां छितः नुगः स्याक्क जकं छुं धाल लाकि लाःछि छिं धाःगु छुं खँयात सुनां वास्ता इस्ता जकं मयात लाकि छि ला थौंकन्हय् भजनया सल्लाहकार नं खः । न्हापा छिं ज्ञानमाला भजनय् गुलि लय नं चिनादी । आः वयाः निदँमछि दयेधुंकल न्हूगु लय दुगु भजन न्यनेमखंगु । जिमिगु इच्छा व मनयागु खँ थुइकाः न्हापा न्हापा थें हानं भजनय् सक्रिय जुयाः जिमित भिंगु व बांलाःगु लँपु क्यनादी धइगु भलसा कासें छितः हानं सक्रिय जुयादी माल धकाः इनाप यानाच्वना ।
कृष्णमान डंगोल
मखंगल्ली तुन्छेबाहाः येँ ।
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
