आः छाय् भोट कुर्केगु

सम्पादकजु,

संविधानसभाया चुनाव क्वचाल संविधान च्वयेगु ज्या न्ह्यात । उगु इलय् संविधानसभाया चुनाव जुइ ला धइगु विषयय् तःधंगु राजनीतिक वहस जुल । आखिर संविधानसभाया चुनाव शान्तिपूर्णनक्सां क्वचाल । सम्पूर्ण देशवासीतय्गु मिहेनत व उत्साहया फल धइगु जनतां थुइकल । तर थौंया राजनीतिक पहः स्वयेबलय् चुनावय् भोट कुर्काः मनू ल्ययेगु धइगु नं अःखः थें जुल । स्वयादिसँ थौं नेपाःया प्रधानमन्त्री जुयाच्वंम्ह मनू संविधानसभाया चुनावय् निगू निगू थासं बूम्ह खः । गज्याःगु खँ स्वयेमाःगु थ्व अय्नं नापं चुनावय् भोट कुर्कः वईपं म्हो जुइधुंकल । थज्याःगु पहलं देय्या सत्ता न्ह्याना वनीगु खःसा छाय् अर्बौं फुकाः चुनाव यायेमाःगु जनतां भोट कुर्के हे माः धइगु छुं दनि ला कुर्के हे म्वाःल नि । जनतां कुर्कीगु भोटया छुं महत्व दनि ला निगू निगू थासं चुनाव बूम्ह मनू प्रधानमन्त्री व मेपिं चुनावय् बूपिं मन्त्री जुइगु खःसा जनतां छाय् भोट कुर्के माःगु थौंया थ्व फुक्कं चुनावया विकृति एमाले पार्टीपाखें वःगु धायेमाः । उकुन्हुया चुनावय् उपप्रधानमन्त्री जूम्ह वामदेव गौतम बर्दियां चुनाव बूम्ह अष्टलक्ष्मी शाक्य येँय् चुनाव बूम्ह खः । थ्व गुलि तक ल्वः २०५४ सालपाखे स्थानीय निकायलय् नं अथे हे चुनावय् बूपिं वडा अध्यक्षिपंत कामपा बोर्डय् नियुक्त याःगु खः । एमाले पाखें थज्याःपिं हे बूपिंत जक नियुक्त यायेगु खःसा जनतां भोट कुर्केगुया छुं अर्थ दनि ला ?

चंचल असं येँ ।

More Stories Like this