आः तेस्रो लिंगी नं एयरहोस्टेज

तेस्रो लिंगीतय्गु विषयय् थौंकन्हय् यक्व हे चर्चा जुयाच्वंगु दु। गबलें नागरिकता अले गबलें इमित नं भोटया अधिकार बीगु विषयय् थीथी कथंया चर्चा जुयाच्वंगु दु। आः हाकनं छक्वः उमिगु विषयय् मेगु छगू चर्चा सुरु जूगु दु। थाइल्याण्डया छगू एयरलाइन्सं तेस्रो लिंगीतय्त नं एयर होस्टेज नियुक्त याइगु जूगु दु। पीसी एयरं नकतिनि हे प्यम्ह तेस्रोलिंगीतय्त एयर होस्टेज नियुक्त याःगु खः।
एयरलान्सं नकतिनि नियुक्त याःपिं स्वीम्ह एयरहोस्टेज मध्ये झिंगुम्ह मिसा, न्हय्म्ह मिजं व प्यम्ह तेस्रो लिंगी खः। आः धाःसा थुपिं एयरहोस्टेजत बैंककया स्वर्णभूमि एयरपोर्टं दक्षिण थाइल्याण्डया सूरत थानी प्रान्तय् उडानया निंतिं जहाजय् सेवारत जुइ। उमिगु अन्तर्वार्ता काःबलय् मिसापिं उमेदवारपिंलिसे काःगु खःसा आः धाःसा उमिगु परिचय पत्रय् मिजं धकाः च्वयातःगु दु।