सरकारं छेँ-बुँया कारोबारयात गति बीगु

निजामति कर्मचारीयात प्रोत्साहन
येँ(सन्ध्या टाइम्स)/सरकारं ताः ई न्ह्यवं निसें मन्दीया चाकलय् लानाच्वंगु छेँ-बुँया कारोबारयात गति बीगु जूगु दु। अर्थमन्त्री वर्षमान पुनं ताः ई न्ह्यवंनिसें मन्दीइ लानाच्वंगु छेँ-बुँया कारोबारयात गति बीगु निंतिं पहल यायेगु जुइ धयादिसें छु गथे यायेगु धइगु समस्या जुयाच्वंगु व आः वयाः थुकियात निकास बीगु निंतिं सरकारं हे छुं यायेमाःगु आवश्यक जूगु नं धयादीगु दु।
अर्थ मन्त्रालयय् पत्रकारत लिसे खँल्हाबल्हा यासें अर्थमन्त्री पुनं छुं योजनात हयाः छेँ-बुँया करोबारयात गति बीगु व भावय् नं पुनबिचार यायेगु जुइ धयादीगु दु। छेँ�बुँया कारोबारयात गति बीगु निंतिं नेपाल राष्ट्र बैंक, सम्बन्धित व्यवसायी व मन्त्रालयया दथुइ सहलह जुयाच्वंगु नं वय्कलं धयादीगु दु।
बैंक वित्तिय संस्थापाखें अनुत्पादक क्षेत्र छुँ�बुँया लगानीइ आपालं त्यासा प्रवाह जूगु धासें स्वदँ न्ह्यः माघय् थुगु ख्यलय् गुलि तक त्यासा प्रवाह यायेगु धइगु खँय् सीमा क्वःछिउगु खः। राष्ट्र बैंकं त्यासा प्रवाहया सीमा क्वःछीवं थुकिया कारोबार नं ठप्प धइथें जूवंगु खःसा छेँ�बुँया ख्यलय् जक वाणिज्य बैंकतय्सं छगू खर्बं मल्याक लगानी यानातःगु दु। लिसें थुगु लगानीया ब्याज तकं म्हये फयाच्वंगु स्थिति मदु।
अर्थमन्त्री पुनं छेँ�बुँया कारोबारयात गति बीगु ल्याखं निजामति कर्मचारीतय्त अपार्टमेन्ट न्यायेगुलिइ प्रोत्साहन याना जिउ वा गथे याना जिउ थ्वपाखे बिचाः यानाच्वनागु नं धयादीगु दु। थुगु आर्थिक दँया न्हापांगु प्यलाया दुने अर्थतन्त्रया समग्र परिसुचक सन्तोषजनक जूसां छेँ�बुँया करोबारं समस्या जुयाच्वंगुलिं थुकियात गति बीत नीतिगत पहल याये त्यनागु नं स्पष्ट यानादीगु दु।
उखे राष्ट्र बैंकया गभर्नर डा. युवराज खतिवडां छेँ�बुँया भाः कुहां मवःतले विद्यमान समस्या ज्यनीगु सम्भावना मदुगु धया वयाच्वनादीगु दु। राष्ट्र बैंकं छेँ�बुँ बर्‍हः तइगु इलय् वास्तविक बजाः भाः स्वयां ख्वीगू प्रतिशतं अप्वः जुइ मजिउगु व्यवस्था यानातःगु दु।