गाडी फुक्क पेट्रोल कायेगु लाइनय्
येँ(सन्ध्या टाइम्स)/गाडीत फुक्कं चछि न्हिछिं पेट्रोल कायेगु लाइनय् च्वनेमाःगुलिं सार्वजनिक गाडीत म्हो जक चले जूगु दुसा थुकिं यानाः यात्रुतय्त समस्या जूगु दु। अफिस इलय् गाडी गये मफयाः यक्व हे यात्रुत न्यासि तकं वने मालाच्वंगु दु। बहनी जुइवं येँया बसपार्कय् द्वलंद्वः यात्रुत गाडी पिया च्वने माःगु अले विशेष यानाः हुल जूगुलिं मिसापिं यात्रुतय्त अझ समस्या जुयाच्वंगु दु। बजारय् पेट्रोल मदयाः थ्व समस्या जुयाच्वंगु खः। उखे सरकारं आयल निगमयात राहत बीगु निर्णय थौं याःगु दु।
