जापानया प्रधानमन्त्री उत्तर कोरियाय्

जापानया प्रधानमन्त्री योशिहिको नोदा चीनया भ्रमण क्वचायेकाः उत्तर कोरियाया भ्रमणय् झायादीगु दु ।

ताः ई तक उत्तर कोरियाया नेतृत्व यानादीम्ह राष्ट्रपति किम जोङ इल मदयेधुंकाः अनया शान्ति व स्थायित्व प्रबद्धन यायेगु ताः तयाः प्रधानमन्त्री योशिहिको नोदां उत्तर कोरियाया भ्रमण यानादीगु खः । राष्ट्रपति किम मदयेधुंकाः कोरिया स्वयां न्ह्यः चीन थ्यंकादीम्ह नोदां कोरियाय् शान्ति व स्थायित्व प्रबद्धन यायेत चीनं नं ग्वाहालि यायेमाःगु बिचाः प्वंकादीगु खः ।

उत्तर कोरियाया राष्ट्रपति किम जोङ इल मदयेधुंकाः वया हे काय् किम जोङ उनयात उत्तर कोरियाया सर्वोच्च नेता धकाः घोषणा जुइधुंकाः चीन व जापान निगू शक्ति राष्ट्रया प्रमुखतय्सं थुकिया बारे सहलह याःगु खः ।

More Stories Like this