थौं क्रिसमस, ठमेलय् कडा सुरक्षा

येँ(सन्ध्या टाइम्स)/इसाई धर्मावलम्बीतय् तःधंगु नखः क्रिसमस थौं विश्वन्यंकं तःजिक न्यायेकाच्वंगु दु। नेपालय् नं देय्न्यंकं चायेकातःगु थीथी चर्चय् थौं सुथंनिसें नेपाःमि इसाई धर्मावलम्बतीतय् भिड जुयाच्वंगु दु। तर राजधानी येँय् धाःसा 'क्रिसमस ईभ' हनेगु झ्वलय् म्हिगः हे ठमेलय् ल्वापु जुयाः प्रहरी सुरक्षा कडा याःगु दु। ठमेलया सञ्चय कोष लागाय् म्हिगः ल्वापु जुयाः छुं ल्याय्म्हत घाःपाः जूगु दु। वयां प्रहरीं ठमेल लागा दुहां पिहां जुइपिं फुक्क हे मनूतय्त कडा रुपं बडी चेकिङ्ग समेत याःगु खः। थौं नं ठमेलय् कडा सुरक्षा बीगु खँ धाःगु दु।