नेवाः देय् दबूया दँमुँज्या

नेवाः देय् दबूया च्याक्वःगु दँ मुँज्या संचवाः निसें न्ह्याःगु दु । दबूया नायः नरेश ताम्रकारया सभापतित्वय् जूगु उगु दँ मुँज्याय् दबूया नायः ताम्रकार, दबूया संरक्षकपिं लक्ष्मण राजवंशी व मल्ल के. सुन्दरपिंसं स्वंगः सुकुन्दा च्याकाः मंकाः रुपं उलेज्या यानादीगु खः ।

मुँज्याय् झायादीपिंत मू छ्याञ्जे रजनी मिलां लसकुस यानादीगु खःसा सभासद् ध्यान गोविन्द रञ्जित, सभासद् हिसिला यमि, सभासद् डा. मंगलसिद्धि मानन्धर, लक्ष्मण राजवंशी, मल्ल के. सुन्दर, लक्ष्मीदास मानन्धर व नरेशवीर शाक्य लगायतया व्यक्तिपिंसं न्ववानादीगु खः ।

येँया सिद्धार्थ वनस्थलीइ स्वंगू चरणय् न्ह्याइगु उगु ज्याझ्वः कथं संचवाःउलेज्या व बन्द सत्र जूगु खःसा, आइतवाः बिचाः मुँज्या व सहलह अले सनिलय् विधान सम्बन्धी सहलह जुइगु ज्याझ्वः दु ।

उलेज्या लिसा संचवाः न्हिनय् जूगु ज्याझ्वः माइला बाबु देउलां न्ह्याकादीगु खःसा मल्ल के. सुन्दरं राज्य पुनःसंरचनाया विषयसं ध्वाथुइका दीगु खः ।

More Stories Like this