जापानय् च्वनाः नेपाःयात ग्वाहालि
येँ (सन्ध्या टाइम्स)/जापानय् आखः ब्वनाच्वंपिं नेपाःया विद्यार्थीतय्गु पुचः आईटीपी ल्वचं ग्रसित जुयाच्वंम्ह बर्दियाया सरिता डिसीया वासः यायेत छगू लख झिंगुद्वः खुसः व ख्वीन्यातका ग्वाहालि याःगु दु।
पुचलं वंगु मंगलवाः छगू पत्रकार सम्मेलन यासें पुचःया मुक्तिराज रेग्मीं ग्वाहालि रकम लःल्हानादिल। स्वंगूगु तगिमय् ब्वनाच्वंम्ह आईटीपी ल्वचं निदँत्या न्ह्यवंनिसें ग्रसित जुयाच्वंगु खः। सहयोगी विद्यार्थी रेग्मीं यूटयूबय् तयातःगु सहयोगी सम्बन्धी भिडियो खनाः थःलिसें जापानय् च्वंपिं झिंन्याम्ह विद्यार्थीपिंसं उगु रकम ग्वाहालि यानागु जानकारी बिउगु दु ।
